Este servizo ten como finalidade acompañar ás familias no seu proxecto de vida, partindo dos seus propios recursos e fortalezas, atendendo ás súas necesidades e demandas, e facilitando os apoios necesarios para mellorar a súa calidade de vida e o benestar de cada un dos seus membros.
O obxecto do servizo é mellorar a calidade de vida das persoas e favorecer o seu desenvolvemento e evolución, intervindo no núcleo familiar como principal axente socializador, considerando as necesidades familiares derivadas da dependencia.